انا لله وانا اليه راجعون

رثاء شقیقتي «أم عباس»  التي توفيّت یوم أمس السبت في الوطن.

أبو نزار حمدي-مديرموقع كارون الثقافي في عربستان

*****

سمعت آنـــه بغربتي بموت اختي

وجـری دمعي على الخدين سچاب

وگلت یاریت ارجع للوطن یاریت

واشارك بالحزن أهــلي والاحباب

واصیحن یا احبیبه لا تـــــــرحلین

اجـــــیت اوداعتچ والگلب عطاب

بعد غیبة اجیت امفــــــرفح اعلیچ

طـــــائر بالهوی ویا الهوی الهاب

اجیت اشکي غربتي واصرخ بصوت

واذکــــرچ بالطفوله وذیچ الالعاب

 واگلچ آنـــــــــه جیت و لا تعتبین

ولتگولین عندي اخــــــوان غیاب

اجه حمدي اخوچ الما نشد بیـــــچ

وترک عینچ اربیه وشابحـه الباب  

اجیت آنــــه لچفنچ وانزل اویـــاچ

واگـعد بـاللحـــد ونتبادل اعتـــــاب

هـــاي اختي الحنینة وطیبة الصیت

ابهیده یـــــــل تهیل اعلیها التراب

هــــاي امنه واختنه وشمعة البیت

طشرنه الــــــوکت  یا حیف دولاب

خبر مـــــوتچ یخـــویة زاد الهموم

وثجیل اکـوار همي  وجیرتي اجناب

صار اسنین وآنــه امقاطع اعضاي

وادمــــوع النــــــدم للعین تــیزاب

وحید آنــــه بغربتی و محزن الیوم

وتمنيت الخبر والمـوت  چـــــذاب

لاچنه الـــــدهر مــا یخطي اسهام

یدوّر الـــــزین کل وکته ولو شاب

مصیبتنه چبیره ابغیبتچ هــــــــاي

وبس الله الیعظم النا هـــــالمصاب

وبس الله الیعظم النا هـــــالمصاب.

انالله وانا اليه راجعون

08-11-2009 لندن