ابوذیات اجتماعیه
اعتز دوم ببلادی و شعبی
و اضل انظم شعر دارج و شعبی
اسمهم نور الدنیه و شعبی
( او کل یوم الیمر یزداد ضیه )
**********
وحگ الی اسحگته الخیل و رضی
الشهم لازم یحب الناس و رضی
ما طیع البطل للموت ورضی
( او علی الحگ دوم ارحب بالمنیه )
***********
هلی اهل الحچی الطیب و دله
او یدگ هاون مضایفهه و دله
طبعهم یرشد التایه و دله
( او علمهم دوم یطرخ بالثنیه )
***********
وحگ عزنه او شرفنه او شطربانه
الخصم یعرف نشامه او شطربانه
بعد شفرح یصاحب او شطربانه
( مدام اهل المجد تحت الوطیه )
***********
العمر لابد اله انهایه و له حد
او هظیمه الما طرد خصمه و له حد
شخص الما خدم گومه و لا حد
( ینعد اهوه و المیت سویه )
***********
ابعزم گومه الرجل ینهاب و صله
او اون بیهم یدگ عالخصم و صله
وحگ الجسمه بالطف صار و صله
( الاصیل الما یطیع اهل الردیه )
*********
یصاحب ما یهمنی البرد و الحر
او صرت اشبه الطیر الباز و الحر
وجگ مسلم سفیر احسین و الحر
( اظلن حر لما تدنه الدنیه )
********
اسیس بالقوافی گمت و بنای
او و لاسلیت روحی ابعود و بنای
اظل امشی ابطریق المجد و بنای
( یضل مثلی یخاوی اهل الحمیه )
********
هلی نیران ما یطفه یمرهم
او عدوهم عیب یتوهم یمرهم
نخل عالی الما ینگص یمرهم
( و لا عاصف یهزهم جیدنیه )
********
صرت شبه الحمام التاه و الشاه
و اصیحن گمت کل اشتای و الشاه
ارویضی ما جره المعروف و الشاه
( ظلمنه و انگلع تحت الوطیه )

المیمر
گضیت عمری ابموعظه و عباده
او حبیت کل اهل العرب و عباده
منصیر للظالم خدم و عباده
او داعت الحزو رگبته امن المنحر
**********
شطنه یخی عونه الشرب من مایه
المنه شرب میهاب ابد من مایه
لو تغر ابوکت الزعل من مایه
حتی الجبال العلیه تدمر
*********
سمچ الحویزه اشگد حلو و الطابگ
او عونه الیشوفه ابسفرته و الطابگ
الله یا دیره هلی و الطابگ
ظلیت بعدچ بس ادگ و اتحسر
********
ما نسلم اعلی ارواحنه و الحانه
او بشعارنه تحچی الخلگ و الحانه
بالوسمه صبغینه الشعر و الحانه
بالکت یمر و یحن علینه الاسمر
********
لتخلی سیفک بالغمد و گرابه
و اتعنه للطیب ابعزم و گرابه
تنعرف ما بین الغرب و گرابه
و اسمک یظل لهل المکارم مصدر

قصیده تحت عنوان عرب الاهواز

عرب الاهواز عالی شانها کرو ابروس العده ابمیدانها
*********
کرو ابروس العده ابحرب الجهاد او خلو المنیور یشهد بالحصاد
طوبه ما فاده و لا فاده العتاد او من عزمهم انهزم شیطانها
*********
من عزمهم تنهزم کل الطغات و ابمسر احسین سارو بالحیات
لجل نصرت دین سید الکائنات بذلو الارواح حی فرسانها
*********
بذلو الارواح یوم الملحمه او هلهلت لیهم یخوتی الغانمه
چم بطل منهم تعفر بالدمه او ظلت اسماهم فخر لوطانها
*********
اهواز حگهه تفتخر ابهالرجال الگالو الذل ما نطیع امرا محال
بالعقیده چسبو العز و الجلال مثل (( عاصی )) اللیث ابن شرهانها
*********
مثل عاصی اللیث هدت کل هلی او کل فرد منهم ندب الله الولی
ایصیح کوکز یا خلگ خلو الی او ضیگ الوسعه علی جیمانها
*********
ضیگ الوسعه او یرف بیده العلم او نبت ابگلب العده فاله الشهم
العبر کارون بس منهم سلم او هلهلت (( علیه )) النصر خوانها
________________________________________

هوسات
الشجاعه و الکرم و الطیب ابدم العرب معجونه
او حگهم لو ابحلگ السباع بالگوه یطلعونه
عدوهم ما ینام اللیل مترعبل یخلونه
( فاگد کل رایه ایضل مترعبل )
******
الشجاعه و الکرم و الطیب من یعرب حویناها
او رایات المجد لصین و الاندلس جناها
مشینه ابمنهج الاسلام او طعنه للنبی الطاها
( او عرش الذل زلزلنه ارکانه )
******

اهل نخوه او مراجل و اهل دله و سیف
او من سابق طبع بینه نحیی الضیف
مهما اتمر اسنین امن الخصم ناخذ حیف
( و العالم یعرف ماضینه )
*********
بیچ اتباها اضلن للابد یا دار
یا ام الحضاره الحاویه العتبار
مثل گومچ بالخلگ ماشفت هیچ احرار
( یم الغیره احرار اهلچ )
***********
حرعیش ابزمانک و انصر المظلوم
شبه احسین حید الما خضع للگوم
ابیوم الکون اسگیها الاعادی اسموم
( او لجل الحگ روحگ ضحیهه )
________________________________________

الدارمی
اهلی الحرب و الماو یشهد بسمهم                او فوگ السمه العالی یطرخ علمهم
اهلی لهم وگفات ابیوم السیوف                     او ذاکرهم التاریخ و ابذهب الحروف
اهلی لهم وگفات لو کلکل الصد                    اتضحی بالارواح و اتحامی الحد
حبک یضل بالروح یا شطنه کارون                 او لو نشف میک هاک دمعات العیون
اقسم وحگ کارون و الکرخه و الهور                  احمی الوطن بدمای و ابقیله ناطور