الأديب الشيخ إبراهيم الديراوي شاعر من الأحواز في شعره حلاوة و روعة وجمال،تطرب في شعره القوافي وتسمو في سما الادب الرفيع و  يمتلك القدرة الكبيرة في نظم الشعر الساحر الجميل لقد أشعل مشعلا من الشعر الجميل الذي كان يرفعه شعراء من قبله وحلق بشعره الصادق صورا شعرية جميلة،نظم شعر كثير وشارك في شتى المناسبات الدينية والثقافية و له ديوان شعري من قصائده المعروفة مثل أول مثل أول و قصيدة يا هظيمة و لا لا يمّه.

لا لا یمـّــه
لا لا یمـّه اوداعت خالي اوداعت خوتـّکم ماارجع
اوداعت جدنه وصندوگه الساج اونجمات البیه امرصـّع
اوداعت سجـّادة جدّتنه وتربتها و محبسها الیلمع
اوداعت تفگت عمـّي إلسمره إلما خانته إبشدة ومفزع
اوداعت عودي وبشته البدري الیتردّن بیه لمـّن یطلع
اوداعت گطرات إلمن صدرچ غذّتني الغیره بیوم أرضع
اوداعت چفّ إلشال إلمگوار ابساعتها وهـَد عـَلمـَدفع
اوداعت گعدات إمضایفنه وکِل خیـّر بیهن یترّبع
اوداعت صوباط الدّیوان وحِبـّه الیتناقه اویه المـِرفع
اوداعت هاونـّه و هوساته إلیطرب لیهن کلمن یسمع
اوداعت نخلات إلبدّیره إتموت إبعزّتها او ماتخضع
أزحف للموت إعله ارکبي ولوجسمي إعله الحگ یتگطع
ماگولن آخ إمن إصوابي و عیب إترف إعیوني و تدمع
عندي إلنار أحلی من إلجنه بس لا دنـّگ بس لا أرکع
ماریدن جنة رضوان ماریدن واحد یتشفـّع
للنار أدخل شایل راسي واتکارب ویمالک وأطلع
* * *
لا لا یمـّه اوداعت شطنه اوداعت ذیچ إلدهله إسمره
اوداعت غیم إلیمطر خیر إعلی اربوع إلاهواز الخضره
اوداعت کارون إلمن یزعل یاخذکل الدّنیه إبصدره
اوداعت عِرگ إمساحینه إلمن تِغرم بصـّامل واتهبره
اوداعت حبـّات إلسـّنبل تضحک للظلمه وللگمره
اوداعت دورگنه إلمادنگ راسه وهبـّط یوم إبعمره
اوداعت عبادان إلشایع بین إلوادم صیته وذکره
اوداعت گاع الدوم اتهوّس موخرمشهر آنه إمحمره
وترابات إلعینیناهن إبمیت إلشریان إلحمره
اوداعت کل ذرّه إبهل گاع إلمن جدم إلخاین تبترّه
ایموت إلواحد منـّا وتبگه إحچایاته إتهوّس یمگبره
إطّش إلهمـّه إبکل إلدنیه إتصیح إحنه إلفجـّرنه إلثوره
إحنه إلهبینه من إلکوخ إعله إلطاغوت إنهدّم قصره
إحنه إلصحنه یموت إیزید إنصاره وعاش إبن إلزهره
اوطافت عین إلکرخه وصارت هم مثل إعیونچ یلبصره
(الشاعرالشیخ ابراهیم الدیراوی)

القصيدة منقولة من موقع ديرة هلي الثقافي

14/08/2010