|
|
|
ملينة والله من الإس للشاعر عبدالعزيز الفيصلي - المحمرة هدني يوجه المستحي حس چا ولك يمتة اتحس ذبيتني ابحلق الرحى اشما احچي اتگللی اس مللينه والله من ال اس هدني يوجه ا لمستحى ا ليمته هاي الحاله اسمع ولا چني اسمعت خليتني ابسنداله اليمتة ساكت والغبن ياكل ا بگلبى ا سلالة بس بعد طيبت النفس من الهوى و موا لة چا شنهى روحي وما تطك تحمل هشل چم فاله سموم الملامة بلحشى ما تنجرع كتالة بس اس يگلبى اليمتة اس صارت حرج و دلا لة و عيش الهضيمة يا گلب يصبح ذليل اكالة راح اشچنت و اشما چنت بين الوكت و اهوالة صار الذهب وية الشبه يتعادل ابمثقالة و ضاعت مقايیس العرف صار الشخص بأموالة بالفلس باعوها القيَم الماعندة اصبح عالة ما ندري اشجاها الخلك من الفقر تستبخس لو هالبشر يصبح حشر يا ناس من يستفلس ولله عجزنا من الإس ***** هدني يوجه المستحى خل گلبي ينطق صوتة مليت من هاذا الحية الكاتلني هم اسكوتة دنيانة بينة امطوطحى جسم الرجل تابوتة و ماهي مثل اول بعد كلمن توگه ابقوتة صارت شبش و امخربصة و كلهة اصبحت معموتة ضاع الشضر بين الفحم و اتفحمت ياقوتة لاچن ترى لو شملت يظهر افلان ابهوتة موكل رجل ينعد رجل بي حتة بي حتوتة ولو علت موجات البحر للچلچ و الجلبوتة يطمس الطايح يا ربع لو ماتبلعة الحوتة و لابَدة دولاب الوكت يندار من هالوتة و يعودن ايام المضن و تعود يا سبوتة كل الحچي ما ينحچي خاف الرطيلي ايسوس اية ولله ندري بي حشف نترجى منه ايدبس ولله عيزنا من الإس ملينة ولله من الإس هدني يوجه المستحة خليني اغني اشوية هليلة مسموح الطرب و آنة اريد الحية الليلة الشعر لابس دلع ماحاجة للبوشية چن القصيدة امعدلة ريمة ابحسن ريفية حلوة و جدايلهة ظفر و المشي احدية ابدية و الطول يتمايل شطب وي نسمة العذرية تفاح لبناني الوجن بس الشكل وردية و سنونهة لب الطلع و الرقبة چن جمارة البرحية و الشفة عقيق اصلي و حمر و اعيونهة بدوية و الزلف يتغازل غنج وا ينادم الترچية و عطر القرنفل و المسچ طيبة يطيب الرية و يلاعب الكذلة الهوی وي نغمة القافية هليلة يا محلة الحچي لو اغزل ابطارية يا گلبي احچي اشما ردت و ظل للصبح متونس لليسوه يحچون الحچي و باهلة الشعر متنومس ولله عجزنة امن الإس ملينة ولله من الإس ***** هدني يوجه المستحى خليني اهج من داري هليلة روحي امشوشكة و روحي على ماي الجاري اليلة احب وية الولف كون ابلم عشاري و احچيلة من ضيم الگلب و شما علية جاري چان الگلب بطل بعد ما قال ايا ناري و اذكرله ايام المضن يادنيتي و ديناري من كانت اطبيخ و لحم مو هسة كلة ادحاري يا گلبي مو وكتة العتب بالك تشت افكاري خليني صابر ممتثل ماريد ابوح اسراري ضاعت اسنيني و ضيعت وية الفحم معياري وصلت تراهي للعضم اي يا اخي بيدك جس مخنوك بسكوت الألم و الآه بايت بلحس و لله عجزنة من الإس ملينة ولله من الإس ***
|
|
|