أبوذيات للشاعر- شجاع الباوي
www.alahwaz.nl
اشما اعذل وصبر الروح ونهه
ابت ویزود کل مصباح ونهه
ادیار الدار بیها الفلک ونهه
اندرس ورسومها ضاعت علیه
*******
تره یحباب گلبی مایملکم
جفیتو او چن تبده مایملکم

 اباسی وکتی ابجفاکم مایملکم
امر علبال وتمرون بیه
********
یوم ابیوم جرح الگلب یولام
وعذره المادره اببلوای یولام
لون مسره الحبیب ابساع یولام
لحگ یمکن علی گبل المنیه
*********
یوم ابیوم جرح الگلب یاساع
اومدری اتروح منی الروح یاساع
اخذلی ویاک هل مرسول یا ساع
البرید او گلهم ایمرون بیه

**********

ما یهیجع علیک الگلب بلای
اویم منهل معینک ضمت بلای
رج ورفج اببسمة عطف بلای
حمل بهواک چم بلوه او اذیه

************

یا هو الگال گلب الهجع کلای
اومن بیدر مأسی الدهر کلای
الرشه موبس عضو امن اعضای کلای

 ابجدر حطنی اوگعد یوگد علیه

*********

شیونی الظعن من جد ویتنی
او شیطفی الحده الناره ویتنی
غزتنی اخیول فرگاهم ویتنی
او علی ضاگ الفضه من کل نویه

**********

یسیوف القهر بحشای وربای
ابسبب ضاع التعب یا حیف وربای
بعد- انتضاری الفید وربای
الدربک یل حرم وصلک علیه

*********

حرج ماشوف انه ابوکتی رحالای
او تطحن بل حشه ابهمی رحالای
جدت وبعدت عنهم رحالای
اشبعد یجدی امن ادگ بثنین ادیه