 |
أهازيج (هوسات)وطنية للشاعر الشعبي رحيم صقر الاحوازي |
|
نشيد وطني للشاعررحيم صقر الاحوازي *** انثور انثور انثور اعداماتك زنزاناتك ما ترهبنه انثور انثور انثور دباباتك طياراتك ما ترهبنه انثور انثور انثور اعدم اشمابيك وعذبنا انثور انثور انثور اعدم اشمابيك وهجرنه انعود انثور انثور انثور نطلعلك من عجد وحاره انثور انثور انثور نطرد كل غاصب بحجاره انثور انثور انثور نخوة وشهامه عدنا انثور انثور انثور هيبة وصلابة عدنا انثور انثور انثور وانطالب بثار اخوتنا انثور انثور انثور ناخذ حق عون ودهراب انثور انثور انثور محي يضل رمز الثوار انثور انثور انثور وعند عينك يالقائد والله انثور انثور انثور ونحرر الاحواز احنه انثور انثور انثور *** المجموعة الثانية أهازيج وطنية لشاعرها رحيم صقر الاحوازي في حق الشهداء
ياأمي شدي الحيل إلنه و يختي گومي هلهلي انطالب ابثار الـــوطن و ثار زامل وي علي و من رعد صوت المدافع انتي گومي اتدللي (عصابة ظيمچ ذبيها ) ....................................................... وحگ هيبة مضيف أهلي وحگ دمك يأبن عــلوان نادانه الـــــوطن كــــــــلنا ولبينه بشهر نيســــــان دوّخنه العدو بالكون والله ابساحت الميـــــــدان (و أعدانه اتضل تشهد بيها) ......................................................
في حق الشهيد البطل حسـين الماضي انت العلمتنه للنضال انســـــــير و من عزمك نشد الحيل للتحريــر و خطيت المجد من يوم وانت اصغـير (بركان ايضل دمك ثورة) ...........................................................
يبركان الشجاعة العنزيت اعضا ك و من لبى الوطن نادينه عند عينــاك اسمك ياخلف ويامحله من سمـــــاك (ابصولاتك والعالم شاهد) ............................................................. جبل شامخ عون ابساحت الميــــــــــدان و اهلنه احيود منهم جاسم العـــــــــلوان و ابو زيدان اترك لشعب عنـــــــــــوان (عنواني تحرير الموطن) ........................................................... الـك تاريخ اتسجل بگــلوب الشعب تمثال و انت من اجاك الموت اتغني للوطن موال و انت ابساعة الهجـمات هجومك صغته كالزلزال (يشهد لك لندن تاريخه) ................................................ بحق الشـهيد رعــــد ادعيّر البستان ينساه الزمان اليا رعد ينســــــــــاك كل وكت النشـامه اتسولف ابطرواك وانت البالكلايف عنزيــــت اعضاك (تبچي لك صوبين الكرخة) ...................................................... يا هيبة وطنه و رمز للثوار وباسمك انتخت يا مهدي هاي الدار شدينه حزمنه نطرد الاشرار (و نخليه يحتار ابلمهه) ................................................... الأخوه مو كلمة كلام،الأخوه من صدق و موده الأخوه موقف ، الأخوه نخوه، الأخوه ذاك اليوگف ابساعة الشده الأخوه مو اليضحك ابوجهك و بالظهر طعناته حده ( زامل زكاهه الخوة) ...................................................... لخوتك دوم و سع بال و بيهم كبر الثايه لأن عدنه المثل مگيول اليگص ابزورته ما يثخن افيايه هذول احزام الك بالضيـــــــــج وبيهم تگضي كل حايه (اشـــمحلاها لو صار الملعب) 14-06-2008 |
المجموعة الاولى
ما وصا ابفهيمة يدري عنده اخوان
ابحگهم والكلايف تشهد العدوان
اليمس ابثوبها بيه تشتعل نيران
(و تضيج الدنيه اعلى اجدامه)
......................................................
فهيمه جبل ما تهتز ولو ابسجن و ابتبعيد
و تنخى اهل النضال ابزود لأخذ الثار و التوحيد
مرفوعه جبين و شان و تتباها ابعلي الحيد
(و تتفاخر و العز ماضيها)
....................................
لا توصي يمالك و الوطن محروس
بعدنه ابزودنه و اعلى المناية اندوس
وتضل احوازنه هيه الرمزو السوس
(موقفكم يشهد تاريخه)
.........................................
بعدنه ابزود اهالينه و بعدهي ذيچ همتنه
و بعدنه عرب نشميين نتفاخر ابشيمتنه
وبعدنه انجاهد اعلى احوازولكل شهد صولتنا
(وانجاهد للحگ و انجيبه)
...........................................
عهد يا موطني وياك ما طول النفس يصعد
و عهد متنازل من ارضي لا من اتشيلني من الحد
لجلك ما نرد من نار لجلك ما نرد من صد
(وانريد الموت اعلى احدوده)
...........................................
الما حاسب ضميره وخان هذا بعد لتعده
ويدور الزمان اعليه هم انحسبه و انشده
شامخ يا خلف ضليت و بسمك دوم نتحده
(و منطوره الثاية لتوصي)
..........................................
الماطخ للعدو ولانام هذا جيالنه اتقلده
مثل محيي لحد اليوم كلنه انسولف ابحده
الوطن يحتاج هيچ ارجال على الكلفات تتحده
(ونتحده ونعلن دولتنه)
.........................................
ابد مامات عباس الشهم من طاح يبقى بل ضمايرحي
ويبقى يخلده التاريخ و يبقى لكل مناضل في
سگه ابدمه النخل من طاح زود و عوضا بل مي
(و اتسجل تاريخ ابيوما)
.............................................
ضلت مفخرة النيسان ولكل شهد صولتنا
وعنوان المجد مكتوب بأول يوم ثورتنا
ابعزم ابطالها انفرضت اعلى الغاصب قضيّتنا
(و العالم ضل شاهد بيها)
...............................................
هنياله السگه ابدمه نخل كارون هنياله
و سجل للأجيال ابمفخرة افعاله
وحگ شيمت مضيف العرب و دلاله
(و تحرير احدودك بدمانه)
................................................
لا تبچین يم ماجد و ماجد حي يحبابه
كلنه اولادچ ابتشري و بعد للثارطلابه
وحگ ماجد وحگ ربعه وحگ الوطن واترابه
(ويم بابچ ننصب صلابه)
................................................
لا تبچین يم مهدي ودمعچ لاتهملينه
كلنه احفادچ احنه اليوم و امري اشما تريدينه
ناخذ ثار مهدي و كل دمع التسچبينه
(و يم دارچ نوگف جيدوما)
..............................................
هم تطلع شمس هم يصفا هذا الغيم
وابد سيف الظلم عل ناس عيب ايديم
وانشيل العلم و ابظله حدود انقيم
(و نرد المحتل لحدوده)
.............................................
يهل تنشد هذول اهل البطولات
و هذول الصنعوا التاريخ بل هجمات
و يضل احوازهم يفخر بهل صولات
(تاريخ الهم ما ينسونه)
............................................
اللي ارتدوا زي الوقار و ما هابوا الموت
و على احبال المشانق غنوا ابصوت
لجلك يا وطن فوگ المنايا انفوت
(يا موت اخذ العزت روحه)
...........................................
عروس امخدره الاحواز و اشحده الوصل ليهه
وصرخ مهدي ابعالي الصوت لجله الروح اضحيه
انا من نسل محيي و محيي الضحى اعليه
(و من ثورة محيي المشهوده)
....................................................
بعدهو يكتب التاريخ عن محيي و بعدهي ذيچ ثورتنه
وبعدنه اعلى العهد وياك يا محيي لون تنشال فوگ الجسر جثتنه
وبعدنه بل نضال نسير للأحواز نصرتنه
(وبعده الحد مأمونه احدوده)
....................................................
ما نقبل حيات الذل وحگ عینچ يحبابه
و موت العز شرف النه ولوننرمي ابدبابه
ما نتنازل من أحواز لوكل واحد مشنقته ابابه
(ونكتبه احروفك بدمانه)
.......................................................
ايام الوكت تاريخ و التاريخ عنده السان
و غم رايه الگضاها افلاس ما خله المجد عنوان
موت العز حياة و عيشه ذله اكفان
(و خسران الماساند گوما)
.......................................................
عنوان المجد ريسان و التاريخ ضل خالد
و من ثارت عرب لأحواز زود و افخر من ماجد
هذول ابطال محيي الدين العدو بأفعالهم شاهد
(ضل شاهد ويلوع ابيوما)
.....................................................
من جابوا امسنسلينه الحيد يضحك و هم متعجبين
و منباس الحبل ريسان كلهم صفو مصطورين
یزامطهم وهو امسنسل الاحواز النه .....
(يا محلى الموت اعلى احگوگه)
.....................................................
یزامطهم كفو و ابزود و ما طخ هامه ابو الغيره
و يصيح احواز هاي النه و فنه اليضل بل ديره
باس المشنقه ابزود و عنده الوطن تقديره
(و ضل شامخ ما طخ الهامه)
...........................................................
من باس الحبل ريسان فرت كلها عدوانه
و حبل المشنقه اخجل شاف الأسد جدامه
و گف و گفت جبل يا ناس جسر يريد لأخوانه
(و يتفاخر و العز نايله)
..........................................................
و حگ دم الشهيد و ذاك ابو الأحرار
هزيمتهم قريبه و حات ابو مختار
دمكم ما يضيع و لا يضيع الثار
(اعلى ادمومي اجيال اتطالب)
.........................................................
اكتبه ابصفحت التاريخ الوطن برگابكم ذ مه
اليريد ايبيع صم تراب مثل الباع بنت عمه
الذي عنده شرف مهيوب رخص للأسم دمه
(و ريسان ايضل تاج الهامه)
.......................................................
دمك يا نجم ما ضاع خلف مهدي و ريسان
و من دمك سگيت نخيل خضّر بيه الف بستان
اوصيتك الحسن من اسنين صارت كل حرف بركان
(و معروف انته ابكل احوازك)
.....................................................
من خزعل لحد اليوم دمنه اعلى الوطن شلال
و شيضيعه الوطن عدنه ابحدوده ارجال
و يضل ريسان بدروب المجد تمثال
(لأجياله سجل يوم العز)
.....................................................
تحط للبوم برگع صگر شيسوي
الخسيس ايغار عندك لو ردت تعطيه
الكد يش اشما اتچبشه ما يأثر بيه
(مرجوعا الاصله و تاريخه)
................................................
رساله ارسلها لأخواني حرفها ابدمي اخطنه
عدونه النازل ابأرضي ابجاروشه اجرشنه
هذا عدو من اسنين لا فد يوم احبنه
(وصوني الضحّوا جدامي )
.....................................................
عمت عينه اليعيش ابذل وعا ف الوطن و قلس
و حليب امه حرام اعليه الجابل العدو و اجلس
مثل عبد الرضا وريسان و محمد عليهم اجيال تتأسس
(موقفهم يشهد ماضيه)
....................................................
انثور و مانهاب الموت من محيي شيمتنه
و نغني اعلى المشانق و نرهب السجان مثل ريسان قدوتنه
نشامه و بساعت الشدات من منصور نخوتنه
(ابعزنة و ماضيينه نتفاخر)
...............................................
(الى الشهيد عون)
الك تاريخ اتسجل بگلوب الشعب تمثال
و انته من اجاك الموت اتغني للوطن موال
و انته ابساعت الشدات هجومك صغته كألزلزال
(يشهدلك لندن تاریخه)
.............................................
متى يصحا الوكت ياناس و ترجع ذیچ عزتنه
و متى انشيل العلم بأحوازو نحكم هاي ديرتنه
و متى يكون الگلب واحد و الم اجروح امتنه
(و انعيد التاريخ الماضي )
.............................................
الجسور الما يهاب الموت هذا ابن الاخوة اويا
هذا ايصيرلك جيد وم لو صار الفزع تلگا
هذا امگمط ابغيره تشطر بس كرم يمنا
(لو ثارن يوچب جیدوما)
............................................
اشلون اتموت بل غربه و انته الوطن ينعاك
انته بأول الثوار و جيدوم الفزع نلگاک
خوان الدهر يا خوي ، خان و بعد وين الگاک
(و تبچیلک صوبين الديره)
..................................................
يا خوية الوطن ينعاك و یبچیلک نهر كارون
انته التحضر الكلفات و انته الكل مناضل عون
ايهون اوداعتك كلشي بس فرگاك عيب ايهون
(و غثاني يبن العز يومك)
............................................
الك منه عهد منصور عهد ما ننثني من الحگ
نجیب الوطن بل امجاد نجيبه و عل عدونسحگ
وحگ راية علي و مالك انعيد لو يصير الطگ
(و الموت اندور عنوانه)
.....................................
گضيت العمر لجل الگاع تمشي و تنذر ابروحك
و ما يوم التعب غثاك شاطي و أثر ابموحك
هذا انته جبل مشداخ عزمك مرهم اجروحك
(و اتريد الموت اعلى اوزاها)
.....................................................
هاك اخذ الأرواح ابزود هاك اقبل ضحايانه
انتمنه يا وطن نفديك هاي احنه سجايانه
مثل طبع العسل بل كون والله انحب منايانه
(ملگاها لو صار اعلى الحگ)
....................................................
رضعت العز حليب اگماط و العز صار عنوانك
وياهو الينكر افعالك شهدهن أمس ميدانك
ضحيت العمر للگاع جلطا و ينطق السانك
(الاحواز النه و مانعطيه)
...............................................
چنت للموزمه و يوم المحن مذخور
و يل حچيك عزيمه و ساعدك شاجور
ما ننسه و عهد ننطيك يا منصور
(عيب انبيعه منصور الحد)
..........................................
ما نخضع للأستعمار تضل و دوم ثورتنه
من خزعل لحد اليوم ما وگفت مسيرتنه
نشامه احنه اهله و زود و نگص شريانه و نسگيه عزتنه
(و نسگیها الثوره بدمانه)
............................................
عررب يل تريد ارجال خاوي البيهم اكفايه
حتى ابساعت الشدات الكل تجي مشايه
وصوني اجدادي ابهاي الحچايه
(يطلع ولد ابنك غيراوي)
.........................................