مستهل قصيدة الحروف الهجائية

درب الهوى جيم ونون تحت الخطر

للشاعر الأهوازي طعان النبهان

الألف آه بالگلب ،نار ألهوي تعطب عطب ،کلمن سلک هذا الدرب ،ساعة اوگع تم محزون تحت الخطر.

البیه بعد ما ینصفک ،اللي تئلفه اویئلفک ،یحلف الک ویحلفک ،لاکن بعد یوم اودون منک شمر.

التیه ترا مامن وفا ،عدهم طبع صار الجفا ،ماینصک من تنصفه ،من غیر باعث وایخون هذا القهر.

الثیه ثبت بهذا الزمن ،ما واحدٍ بیه مئتمن ،ما عاشرت غیر المحن ،لو واعدوک ایچذبون وانته ابسهر.

الجیم جرب ماشفت ،ویحگلک انته انصفت ،هذا البحر لابد تهت ،حطلک گلب بیه اعیون ماهو نهر.

الحیه حیاتک لا تود ،مامن کفو لیه تعتمد ،کلمن تظن بیه الضمد ،تلگاه عکس بالمظنون عین الخطر.

الخیه خسر کلمن سلک ،درب الهوی لازم هلک ،ذاک التوده اوّد الک، لا تمنه ما تصفون لا بد نکر.

الدال دمعک ما بطل ،کلما تظن بیهم محل،مثل الندا صح المثل،تطلع شمس وایموعون ملهم أثر.

الذال ذاهب لا تتم  ،بهل الصنف مالک علم، لو عاشرو مثل الحلم ،طیف او علیک ایمرون مابیه ثمر.

الریه رسوم اهل الولع ،صارت عکس کلها ابطمع ،ما واحدٍ بیهم قنع ،لو عاشرک شوف اشلون ماتم شهر.

الزیه زمانک عثرک ،یل بالهوى طحت ابشرک ،ساجم ترا بسفل درک ،نار الغرام ایعدون تشبه سفر.

السین سرک اکتمه ،لو هلن ادموعک دمه،بالک تظهرا وتعلمه ،واتحذر من الواشون کل الحذر.

الشین شوف أهل الصنف ، صبرو علی مر الکلف ،ماباعو اسرار الولف ، لوچان بیه ایموتون مشکل ظهر.

الصاد صبرک تعرفه ،تگدر علی حر الجفه ،کلمن تکظه بد وفه ،داریهم اشما یردون تحت النظر.

الضاد ضنک جنبا ،منهم احد لا تعتبا ،حبهم شبه ریح الصبا ،کل الخلگ بیه یدرون هاذا اشتهر.

الطیه طباع اهل الهوی،هذا الزمن صارت سوا،الما جفا اعلیک انتوى،بالشرالک یحتزمون عندک خبر.

الظیه ظرر ماهو نفع،بهواهم الکل اوجمع،صار الغدر عندهم طبع،زین التسویه اظنون لیک انشکر.

العین عاملهم وامش،ممشاهم ومهما تعش،اللي یغش منهم یغش،والما یغش ذاک ایکون زاح الکدر.

الغین غصبن لو شفت،بشراکهم نفسک طحت،ماباس الک لو سلمت،چم حید گبلک بالعون شک او عثر.

الفیه فکر ما ظن یصح،بالمغرم او یقبل نصح،هذي الخسارة ابلا ربح،کلمن تولع مجنون بیه او کفر.

القاف قابل لا تهم،لو شفت دمک منسجم،ان ردت فرصة وتغتنم، خل الوشات ایغیبون واگضي الوطر.

الکاف کلما ان تجد،منهم جفا یظني الچبد،غصبن تحمل واعتقد،بعد العذاب ایعذبون للي صبر.

اللام لو جاک الولف،بادي وشرط کون اتحلف،یکفیک من ثقره الرشف،لتجاوز الحد ایکون هذا الفخر.

المیم من شان الوفي،بس بالنظرهم یکتفي،ماهو یمد اعلی الخفي،ایده ویبدي المکنون عنده اوستر.

النون نار الحب سرت،بقصى حشاي اوأوجرت،بیه العواذل مادرت،فوگ الالم ویلومون سر اوجهر.

الواو واحد لو وجد ،یوفي ولا خان العهد ،ماظن یخلونه الحسد،عذالها وینمون لمن نفر.

الهیه هواهم بالتعب،چم واحد ابعگله انلعب،حبهم شبه ماي السرب، بالاید ماینلزمون صعب الاثر.

الام الف لالک عتب ،بهواهم عگلک ذهب،لو طعتني حطهم جنب،وامشي ابعکس ما یمشون تطیع النظر.

الیه یصاحب لا تبح ،بسرارک اولا تفتضح ،مني دخذ هذا النصح،والما خذاه وممنون لازم خسر.

نهدی السلام اعلی البهي،الهادي الذي نوره زهي ،صلّوا علیه وآله ،یاللي بحبهم ینجون یوم الحشر.

لقرائة ألفية المرحوم أبو علي الكناني

قصيدة طاها اسحاق اقيّم

قصيدة أبو علي الكناني

قصيدة حامد الكناني