"انا الحلاج"
علي عبدالحسين - مدونة الليل
كثر لومي او گلت خلهم یلومون
يخوفوني العواقب ...وابتسم سني..
او گلت خلهم یخوفون
وکیح او ما اخاف امن الیعادون
اموتن مرة وحده او هُم یموتون
چا لیش المذله او هل حیات اتهون؟
انا امخلّص.. بعت و اعطیت ..
یا من لا تسومون
عشگت ام الوفه الما تعرف اتخون
عزیزة او للمعزة امقدرة اتصون
عزیزة ابگد معزت الگاع ویه ..
أهلي الما یرخصون
عزیزة او بلمجد متفننه افنون
او غلت گد ما غله ..
انخيلي او ماي البکارون
یا خیمت عشگ و افیایهه..
ايغطي الیهیمون
یمن کلک محبه اتروح الک..
فدوة اثنین العیون
انا ابحبک حجر گلبي ایصیر مجنون.
تنزلني ابوسط روحک...
تلفني امن الیغدرون
او علی اچتافک شلت همي...
او گلتلي أهل العشگ ..
بلهم ما یهمون
ایا طیر الضو الیشرق و آنه مسجون
تحط فوگ الگلب ..
زهرت براري او ثمرت اغصون،
اغنیک ابلحن عُربي او وتر مشجون
یمن دمي ابدماک امن الازل معجون
و کیاني ابدون شخصک ابد میکون
تعال امتیمک بس بیک مفتون
و اجوز امن العشگ..؟!
لا ما اجوز اشما یفعلون
انا الحلاج و اتحده الیگصبون
انا الحلاج و اتحده الیگصبون
***