آنه وأنت ..

  للشاعركاظم السيد علي- موقع الجيران

www.alahwaz.nl

آنه وأنت ..
أثنينه وردة بغـصن
أنه وأنت..
ورود تـتـبـاهه بشتـلها...
شمايجافيها الزمن

أنه وأنت ..
لليحب ..بسمه ومـزن
أنه وأنت
أنجوم سافـربيها ..
ليل العاشگين
وكل محب يعرف حبيبه..
ومن لهيب أشواگنه ..
شموعه ضون
أنه وأنت..
عل الشماته ..عل يلوم ..
أسيوف ورماح وحزن
أشما زعلنه..
أشما.. أختلفنه..
يطگ حبنه..
نبع صافي من جديد ..
وننسه ذنيّچ المضن
أنه وأنت ..
گـلب واحد
زنـد واحـد
سيف واحد 
يبرق بوجه المحن
أنه وأنت ..
ما تغيرنه الشماته ..
لوسوالفها انحچــن
أنه وأنت ..
عيون وحـده ..
وفرد دمعه لوبچن
انه وأنت ..
الماضي والحاضر ..
وأيام اليجــن
أنه وأنت ..
جبل شامــخ ماتهــزه الريــح
وأنه وياك بيرغ لاتظنه إيطيح
والأيام أتهون عدنه شماگصن
وتالي والتالي يغاتي ..
بصبري أنه وحيلك أنته
الگلوب السودة! !
ماتت.. وبأملهن أيســن
لأن ..أنه أوياك ..
چف بچف ..
وفرصه مالگن
  **