|
اشو یالیل ضیّعت العرف بینه
( من دیوان
اول المشوار للشاعر محمد عامر الزویدات)
اشو یالیل
ضیّغت العرف بینه تجفل لیک من نجبل
علیش الیاسبب
تجفل
یالیل العرف
ما گلنه لو شاف العرف یتلبّد ویختل
بس یالیل
ردنه ویاک نتسامر ونتغزّل بطروه اشواگنه
تغزّل
لچن یالیل
اشو کلشی تبدّل بیک
حتی الخل بعد
ما یأمن من الخل
وگمت یالیل
تنفخ ماتهب نسمات
حتی بالهوی
العذری گمت یالیل ما تعدل
وک دخلینه
یلیل احباب
گبل لا نکشف
المستور ونخربصها ونعزّل
یلیل الوکت
بیه لوتات واحبال الوکت تفتل
گبل یالیل
چنه اهلال سعدک ماننطره ایهل
چنه وچانت
اعیون الخلگ کلها علینه تطل
بس هسه اشو
یالیل ضیّعت العرف بینه
احنه اللی
صفینه اجناب والاجنبی راعی النزل والمنزل
وبعت یالیل
عشرتنه
وخنت عهد
المودّة الچانت ابحظن الوکت ترفل
وتبدّل طورک
وطبعک
وهم ترید
اذکرنک واگلک لیش متبدّل
دخلینی یلیل
امهوّد وساکت
وشایل بلصدر
وجعاتک التکتل
شترید احچی
وشگلک
حسباتک چثیرة
وعمّت اعله الکل
اظن اترید
اگول عیون الحدیثات
المن ماتحب
الکحل والمن بس حزن تهطل
لئن اعیون
الحدیثات ترفض یخی کحل الذل
وهم اترید
اگلک بالگصیبه المن بعد تتبسل اتبسل
وهم ترید
اگلک لیش
بدریة بدیهه اتمشط الگذله
وبعد ما
بالمشط تنسل
لئن بدریه ما
ترضی المشط یعله اعله هامتهه
طبعها
امآصله أتأصل
وهم ترید
اگلک علیمن باعت امی احیولها الفضه
وعلیمن ثوبها
من الدمع متبلل
لئن امی ما
تگدر تشوف ابیوم طلب الثار
نسوان السلف
ما تگدر اتهلهل
وهم ترید
اگلک لیش
نخلات اهلی
ما ضلت ثمر تحمل
لئن الفحل
شاف الاجنبی یبوگه
خنک طلعاته
والسعفات ماظل بعد بیهن ظل
وهم ترید
اگلک لیش ما ظل یحصد الیشتل
لئن الگاع ما
تگدر تشوف اشلون تذبل غیرة السنبل
وهم اترید
اگلک لیش حتی الطیر ما گام اعله عشه ایچل
السبب غدرک
تره یالیل واحنه استسهلینه شما علینه ایحل
نسینه امجاد
اهلنا الخورست هندسّک
والسان الوکت
من عدها ظل یرتل
هذوله اهمه
هلی وهلک یالیل
دوالیک النسب
وامفصّل اتفصّل
هلی الکرار
منهم والنبی المرسل
هلی
البلاندلس شعّت صوارمهم
وبصدور الخصم
تهشل
هلی وللیوم
بعده امچان حافر خیلهم بالصین
ظل ابصفحة
التاریخ متسجّل
هلی یاروضة
القداح یل ما نبت بیها ینشف ویذبل
هلی الروضوا
سبوگ الخیل وتخیلوا فوگ اظهورها اتخیّل
هلی الشگگوا
وجه الیل
وحتی الیل
گام یخاف من عدهم من ایچلچل
عمی لوما چان
اهلی بالدنیة
لا ربک بعث
مرسّول ولا چان الوحی ینزل.
***
وعد الزلم
قصیدة من
الشعر الشعبي
( من دیوان
اول المشوار للشاعر محمد عامر الزویدات)
وعد والوعد
برگاب الزلم موچلمة واحچایة
القضیة اتگول
من کارون نعبر بالشتا افایة
نعبر عمي
نعبر
وحگ من ضحه
بچفوفه لخیه اعله المسنایة
ونخلي الشط
یغص ویشرگ بمایه
شرفنه ابرخص
ماینباع
خل تسمع
الگالت بالفلس نشریکم اشرایه
ودخلي
المافهم یفهم
وغمه
الماعرف تدبیر وکته او سدد ابرایه
الشرف عدنه
وسام نشیله حد الموت
لوما من تظل
کل داربیها تصیح نعایة
هذوله احنه
المضیف الیگر عین الضیف
ماخابت ظنون
الجونه عنایة
هذوله احنه
طفلنه من المهد ویناغي للصمصام مایتناغه
للدایة
بعد عدنه
النخل یفرش عشگ للگاع بفیایة
وبعدنه الوفه
کل صاع ابعشر صاعات وفایة
بعدها
الامهات اتجیب بینه ارجال لأعلام العقیدة
اتصیر فدایة
وبعدنه ابعین
الیکرهون سم ابراس سلایة
هذوله احنه
ندگ بمحاط نخوتنه
واذا حرة
نختنه انصول فوگ الغیرة حدایة
ونخلي اعله
الجماجم ترتفع فوگ النجم رایة
بعدنه
والسنین اشهود
ما حایه نجلب
صفحة التاریخ ما حایة
بعدهه اتصیح
هاي اسنین
لا چلت ولا
ملّت الحچّایة
یگولون المشت
من کربله للشام
ماعدهه ولّي
وانسبت اسبایة
ویگولون
ابدموم ارگاب ولیّاهم
یتاماهم
تلوح اچفوفهم کلهم امحنایة
ویگولون
الضعن حمّل ابهدوّت لیل
مامش لا
صدیج ولا ولّي ولا عنده حمّایة
هوّه انه
ارید انشد من الیحچون
اهي بس
المشت للشام تحسبهه الخلگ ایة؟
ومحبوبةالخذوها ابلیل مچتوفه بگصایبهه
ونحرها
امنیشنینه اسیوف
کلها
امضورسة وبالطبر گصایة
وصدرها
الرضضته الخیل
وابصوته
الصهیل ایهدّم اولایة
ولک ماهزّک
هذاک الصوت
لو بس
الیهزک صوت غنایة
ینبض بیش
عرجک گول؟
حتی انه
الاگولن لک فرق عن ذیچ من هایه
الفرق
معلوم!!
ذیچ اللي
ولیها انذبح عطشان بالثایة
وهاي انه
الاحبنهه علیها مانزف دمي
اکتفیت
ابچلمت الاحاه واخطایة
اکتفیت
ابچلمت الاحاه واخطایة
***
أسعود
محمد عامر زويدات
عرفت اسعود
واحنه اهناء بلقلعه
كان ايزورني
ابيتي
وازوره
ابيتهم كل يوم
نتسامر سويه
بلعبه متنوعه
نلعب ما نمل
من اللعب ساعات
صادق
چان من يلعب
ويعذرني اذاء
نفسي الخبيثه
اتحاول اتخدعه
نضحك من سبب
وبلا سبب ما
نشكي من ويعه
نركض هان
نركض غاد
نمشي صوب
نخلات ابو عاصي
ونشلع
ابطلعه
واذاء اشلع
طلع
يختاض
اشوفنه ويلوح بالغضب صبعه
ويگلي بزعل
لا يحمود
لا تنهب تعب
غيرك
ولا تظلم تره
الظالم
ضمير الوادم
ايلسعه
اولا
يحمود لاتنهش ابحگ
الناس
لیش اتضر شخص
ما تگدر
اتنفعه
یحاچینی
ویأنبنی
واحس چلماته
بسمار
ونبت بحشای
وینه الیگدر ایشلعه
ونرد لبیوت
اهلنه ابغیض مشحونین
واحلف ما
اخلی الجدم یتعناله وایتبعه
وانه ابهاذی
الفکر مشدوه
ما ادری
اشدهانه
وگال ابو ی
انشیل
ونترک لازم
القلعه
ومشینه ابعید
واسنین العمر ترکض
امطفحه
اصبحت بالسرعه
وطشرنه الوکت
وانه اصبحت حالی
مثل حال
الفگد وسط الحرب درعه
وبگت حسبات
گلبی اتلوی بالدلال
تنحب ماهی
امورعه
ادوٌ ر علی
صوت ایصیحنی من ابعید
بس ذان
الخواطر تگدر اتسمعه
ونبض عرج
المنه وفزز ابروحی
عوالم
ذکریات ابنومهه امربعه
وبدت کل
ذکریاتی اتعید ماضیهه
وهوت روحی
ترد اردود للقلعه
وذکرت اسعود
واشلون احنه شلنه ابلیل
وادموعی بدت
تجری اعلی وجناتی
وقمیصی
الابیض اتنگعه
وسری جدمی
اومشیت الباب دار اسعود
ما اذکر
اشلون امتدت ایدی وگامت اتقرعه
واجتنی ذیچ
الابنیه
ایتراوالی
عمرهه سته لو سبعه
انشدتهه بتمن
انتی ، گولیلی ؟
گالت انه بنت
اسعود
واسمی بلسجل
نبعه
اشویه وشفت
ام اسعود
غاطیهه
السواد وبیه متگبعه
وحچیت انه
گبل لا تنطق ام اسعود
وگلت یا خاله
ماضنچ عرفتینی
اشوف اعیونچ
امضیعه
انه امحمد
ابن جیرانکم
وانه صدیج
اسعود
وانه اللی
رحل عن اصویحبه
من غیر
میودعه
عرفتک گالت
ام اسعود
تحچی وصوتها
ابلون الحزن یرعه
وگالت لی
تعال اگرب تدنانی
عسانی من
اشوفنک اشوف اسعود
وجرت من
سلسبیل اعیونها الدمعه
خذانی العجب
من نبرة حچیها وروحی مخترعه
گالت لی تعال
وخل اگلک وین صار اسعود
لو نایم
ابیا بقعه
وگبل لا تحچی
،مدت ایدهه وحلٌت العصٌابه
وخذانی
الخجل
ما تگدر
اعیونی اتشوفها امفرعه
وبدت تحچی
ابحماسه امشکبنه ابلوعه
تگلی اسعود
بعدک
نذر عمره
المجد اهالیته
وخذته ابحبهم
النشعه
وعشگ تاریخ
دیرتنه
مثل عشگ
الفراشاة الضوه الشمعه
وصبح معروف حب اسعود
لأهله
ودیرته وربعه
وچان اسعود
یتونٌس اذا شاف الربع
بمضیف ابوه
کلیوم منجمعه
ویشارکهم
حچایاهم واذا عیله سدت
یوگف ابوجه
العایل ومن عیلته ایردعه
وینهی اسعود
شبان السلف
لا تگرب التریاگ
والدخان لا
تتنومس اببلعه
وچان اسعود
مایگدر
یشوف الطفل
یبچی ایلوع
وامه من
اللبن نشٌف صدرها الجوع
لاهی التگدر
اتسکته
ولاهی
التگدر اترضعه
وصار اسعود
بلدیره
امام الناس
وکلها تحلف ابطبعه
وابلیلة شتی
وهندٌس
وحوش الخوف
سلٌت کل صوارمها
وعلی اصدور
الزلم یولیدی مندفعه
غزت دیرتنه
زمره من الحرامیه
وگصدهه
اتفرهد وتنهب
ثمر کلمن
حصد زرعه
وبیها احترگ
وجه اللیل
بس نور
التفگ لو ثار ت الچیله
حلگها
ایزوٌع اللمعه
وچان اسعود
یبنی اهنا
ابمحراب
الصلاة ایجوٌد ابصوته
ویرتٌل سورة
الجمعه
لمحمو من بعد
شباچ دار اسعود
منه ایشع
ضوه الایمان
ومثلما
بلمساجد نور داره ابنورهه امولعه
علن بیهم نخر
غاره
اعلی دار
اسعود یولیدی
ومثل غربان
محبوسه
ابوکرها
وهاویه الطلعه
نهض یما
عضیدک یصد غارتهم
گبل لا ینهتک
خدر الکرامه
وچف غدرهم
یلحگ ایصفعه
تلگٌاهم
ابباب الدار متحزم ابعربیته
السگتٌه
ابکاس طیبتها العذب
جرعه بأثر
جرعه
طلع واعیونه
تجدح غیض
چم چف جرده
من اسلاحه
لو چم سیر
چان ابنتله وایگطعه
انشغل یتلاوه
ویه اثنین
والثالث طفر
صابه ابغدر
وابچعب
التفگ طگه وکسر ضلعه
وعٍله اصیاح
الحرامیه
وتوالـو کلهم
وفزعوله فرد فزعه؟
واحد صاب
راسه اوواحد ابرجلیه
یرفسه ویلچم
الویعه
صرخ واهوه
طریح وهاذ اخر صوت
چانت امک
اتسمعه
وطلعت انه
اوورای ابکتر ثوبی تلوذ
چانت نبعه و
ام نبعه
ولگینه ابهل
مچان اسعود دمه ایفور
وهویت انه
اوهون فوگه البنات اویای
یبچن وانه
گمت انعه
وبگینه للصبح
یبنی إعلی های الحال
عفیه اگلوب
بلدیره
وکیحه وعینهم
برعه
محد طر علینه
من السلف
، حتی ولو
جناز
کل حبهم دغش
تالی طلع لسعود
منه ایفوح
بس عطر الچذب
یولیدی
والخدعه
وشکینه ضیمنه
وهل نشتکی کلیوم
وانتانی ظهور
الثار
یصطع بلفلک
صطعه
ودریت ابأمل ام
اسعود تتأمل ظهورالثار
یوم البیه
کلنه انثور
وإنطهر
ارضنه وگاعنه الوسعه
***
القلعة :
قلعة كنعان منطقة سكنيه في الاحواز
حوار مع الصبر
محمد عامر زویدات
www.ahwazculture.net
نشدنی الصبر
یصویحب
صدگ طعم
الصبر حالی
وصدگ دمع
الصبر شمعه
یروی اللیل
وتلالی
وصدگ یصویحب
سنین الصبر
تتروه من فکر
العمر
والعمر عند
الناس
سعر السوم
بیه غالی
وظل منی
الصبر ینشد
وانه
المفجوع منه
وبگه
ایــٌرک أبحیله دلالی
وطفح بالغیض
گلبی وصرخ بسک
یا صبر لا
تلعب ابحالی
انه ما اشکی
من وجعات گلبی
المالهن
تالی
لچنی اشکی
طبع ربعی
اللی تجرع
العلگم کاس
واتگول اشکثر
حالی
عجب منهم شغل
بالی
عجب ماسمعو
المهره ابسلفنه
اتصیح طاح
وراح خیالی
ولا شافوا
مضیف احمود
من چانتله
رنه وچان صیوانه شکثر عالی
ولا دلــة
حمد من چانت
تنادم
فناجین المضیف ابنغم موالی
عمت عین اللی
ما تبصر وکتها
وما تعرف
الولی من الوالی
انچفت دلة
حمد واتبدت الغیره
ومضیف احمود
سد بابه وصبح خالی
وصبح شمل
النشامه الچان
یلتم ابمضیف
احمود متشتت بالف دیرة
وبگت دلة حمد
مچفیة
یم موگد
مضیف احمود
والگمگم مجیر
ایرید لاکن محد ایجیره
وطفه نور
السلف والتهب وجه اللیل
من نامت
نواطیره
وگضه نحب
الشهامه ابصدر أهلنه
وذبلت الغیره
وأبو أرویشد
صبح دگـاگ
من شاف
السلف خلصت شواجیره
وغزتنه
الغفله والوان الوسن
کحٌلت عین
الناس
وأتباهه
الوسن من شاف تأثیره
وکسر بینه
العزیمه
وذبح صحوتنه
ابمناشیره
وشرب کل مای
عین الزلم هرش النوم
واتنومس
ابتخدیره
وغفت عین
النشامه وما صحت للیوم
کلمن ختل
بسریره
وبطیف الچذب
کلنه تدثرنه
وفگدنه
ارواح تعبیره
وبگت تنشد
ضمایرنه
عله اشما
چان واشچنه
ولگت عدنه
الجواب أمچتف أبحیره
أبهای النوب
أمن من غضبنه ونام الأستعمار
ومن گدر
علینه صاب تفکیره
من باع
الدلال أعلی ابوخشاله افلان
وخله
أبدالها اتدخن بوافیره
منا تأکل
ابعظم الزلم ریمازت التریاگ
ومناک العدو
هدهن
عله اعروگ
النخل تأکل خنازیره
المصیبه أهنا
ایراوی
للضیوف أعگال جده افلان
وبل منگاش
یأشر علی تصویره
ویگلهم هاذ
جدی واهو کل مصباح
بالمنقله
یحرگ مجد جده ویطفی تنویره
عدمن نشتکی
ویاهو الیشکینه
وأهی حتی
المنابر نکرت السیره
|