مختارات من ديوان فرحه وحزن لللشاعرالشيخ عبدالسادة الديراوي
خاص بموقع كارون الثقافي
نصيحة مُحب
يالتريد اردود تــأخـذ لك مــــره
اتأمل وفكرك يصاحـب دبّـــــره
***
اتأمل وشوف الخذه گبلک اثنین
دوم يطحر ما یعرف المُفر وین
اکو امن النسوان ما تذکر الزین
وتنکر المعــــــروف ما تتذکره
***
تنکر الزینه ومـــــدیم امطشحله
ولو حچه الرجــــــال ما تتحمله
ارد انصحک شلک ابهالمشکله
تصبح اببیتک مـــدیم الدنـــدره
***
فکر ومن غیرک إخـذ التجربة
وبیتک ابأیدک بعــــــد لتخربه
وحده من عدهن تصّبح عگربه
وتسمع ابدارک طلابه وضغبره
***
تسمع اببیتک طلابه ابکل وکت
ما یفـــید الندم لو تـــالی ابرکت
جوز من هالعمل چان اتحرکت
کلمن اتـــــورط صبح نادم تره
***
کلمن اتوهم صبح یصفج الأيـــد
کل وکت عنده فرد مشکل جدید
لو حمَـــــــدهن ابد میفید الحمید
وکلمن اتکضه ابمکرها اتحّیره
***
اتگله الأولیه انه الســویت بیت
آنه چمیت وحرصت وکـتریت
تـأخذ اشریچه علیه ما حسبيت
چان بیتک من زمــان انطشره
***
چان ما خلیت الک طاسه وجدر
ولا اهم لو صحــن منک ینکسر
لاچن اسلیمه ولا عندی فــــــکر
وکل وکت لو حچه اویاها اتعیّره
***
کل وکت لو حچه اویاها اتلاسنه
وبحچیها وبــــــــالصیاح اتمحنه
لا تگول ارضیت تاخــذ عود انه
دیر بالک مــــو عبالک طرطره
***
لـــــــــــو اجه للثانیه تحچی ابنفس
امطنبه چي لن اهي اجدیدة عرس
اتگله حدي اویاک لغروب الشمس
آنه ما اگـــــــــدر الهاي الجرجره
***
آنه اریــــــدن بیتي ابوحدي یصیر
کلها ضدي وما الي اببیتک نصیر
ریت کــــون اخذیت لي واحد فقیر
وحـدي ما شوفن گـُــبل عیني مره
***
اشجایبک تتوهم وتـــــــأخذ اثنین
هاي عیشت عمر ومعاشر اسنین
بختي الخایب الي جـــابک امنین
وهوّه یسمع دوم عنده امشاجــره
***
وهوّه نـــوبه ایطعبل ونـوبه یهید
کل وکت بـالبیت تسمع لـه رعید
لچن کـــل هاي السوالف مـا تفید
والحچي یحتاج نـاس اتقـــــــدّره
***
ایرید یعــــدل لچـن ما یگدر الهاي
ایراقبنه لــو شرب له اگلاص مای
اتگله وحده اشلون ما تحچي اویاي
ووحده منهن علی الغیض اتغشمره
*****
هوسات عرس
***
امبارک امهنه ابزواجک ریت هالفرحة تدوم
گمر چنک بین اخوتک حفت اعلیک النجوم
طیر سعدک بالتهاني الیوم يم دارک یحوم
«هاللیله نتبارک لأهلک»
***
اشلون لیلة عرس حلوة امطرزه ابفرحه وزهور
علگو اشموع الزفاف وخل نگضیها ابسرور
حضروا اعمامه وخواله وفاحت اریاح العطور
«ایزفونه بالعز والهیبه»
***
خل اتهلهل امه ایزید عتباره
وخل اخته توّج اشموع یم داره
هاللیله البدر تتساطع انواره
«وخوانه وتزفه اعمامه»
***
اجینه الزفتک هالیوم متعنین
نرید انهوّس العرسک ینور العین
یا طیّب الأصل یا ضنوة الطیبین
«یبن الطیبات اعلومه بالفرحه انزفک»
***
جیت ارید افرح ابعرسک وانشر الزینه اعلی بابک
جیت اهنیک واهني ابهالعرس جملة احبابک
جیت أهوّس لک وارید الباري یحفظ لک شبابک
«بعیوني یا زین اخدم لک»
***
انزفک اللیله ابهلاهل والتهوّس لک شباب
الک حضرت کل عمامک والأقارب والأحباب
«عرسک عید ونفرح بیه اسمع یمدلل»
***
امبارک امهنه ابزفافک مرحبا ومیت هله
زهرت انجوم السعاده وگلبي بالفرحه امتله
بخت عنده الي تحضره ابساعة الزفه هله
«ایهوسوله یم داره احبابه»
***
میت الف مبروک ریتک الک حضرو حوفتک
علگو اشموع السعاده وبین اخوتک زفتک
اللیله لیلة عید عدنه الکل فرحنه الفرحتک
«کلها اتهوّس فرحانه یمدلل یمک»
***
گوم هوّس یالمهّوس هلهلي یمهلهله
اسئل الباري یحرسه وکل شباب ایأمله
سعد حظه الیوم عرسه ایشوف کل گومه وهله
«مابین اخوانه یتبختر»
***
خل تهلهل خالته ابعرس الشباب
وخلي عمته اتهلهل اترد الجواب
اللیله عرس الگمر فرحانه الأحباب
«ایعلگوها وشموع الزفه»
***
امهنه ابهالعرس یا شمعة الشبان
یا نجمة اسهیل التضوي البلدان
هلیله سلفنه ابزفتک فرحان
«نصبوها والزینه العرسک»
***
الزینه الزفتک هالیوم نصبوها
وشموع التهاني ابشوگ علگوها
وامک یالمدلل بیک هنوها
«فرحانه هاللیله ابعرسک»
***
یاشمعة البیت ویا تریک الحي
یا ونسة هلک یالبیک سدة في
من الله ورسوله اللیله اطلب شئ
«ایحفظونه کل شاب اویاک»
***
یا الهی ابحق محمد والوصي والد العتره
تحفظ العریس لهله وکل شباب ایطول عمره
والفرح النه تدومه وکل وکت تبگه المسره
«واحنه انهوّس یم داره کل شاب ایعرّس»
***
نهوّس للشباب ابلیلة الزفه
ونرفع له التهاني ونوگف ابصفه
یربي الحفل نصره وبالهناء حفه
«اتخلیها والفرحه اتدم»
***
نزفک بالهنه یا نبعة الریحان
یم دارک اللیله اتهوّس الشبان
محروس ابعلي الکرار والقرآن
«کل اخوانک فرحانه هلیله ابعرسک»
***
حضرت لک عمامک والخوال الیوم
فرحانه وعسی هالفرح دایم دوم
اسئل من الباري الواحد القیوم
«کل شاب ایحفظه واهله ابعرسه ایزفونه»
***
الأم تفرح ابعرس اولیدها وترتاح
ومصباح الیعرّس یمر یا مصباح
تشوف اهلال عزتها ابسعاده لاح
«یم داره بالفرحه اتهوّس»
***
بالفرح جینه نزفک بالتهاني انعایدک
نخدم ابعرسک گصدنه وبالافراح انساندک
جینه نتبارک الأهلک والأخص الوالدک
«انهنیها وامک هاللیله»
***
امبارکه یم المعرّس هلهلي یم العله
اشلون لیلة فرح حلوه وبالسعاده امکلله
ریت هالفرحه تدوم ابکل وکت وتم اله
«المولوده نتبارک یوم»
***
هله ابجمعة عمامي البیها رفعت راس
اهمه احزام ظهري وفخر بین الناس
الهي ابجاه حیدر والبطل عباس
«علیها رایتهم بالحگ»
***
هله ابلمة خوالي البیها افخر دوم
اهمه اتریک بیتي ویومهم معلوم
بیهم طیر سعدي بالتهاني ایحوم
«اومشکوره جیتهم هیبه»
***
هلیله سعیده ومن لیالي العید
نگضیها ابمسره وبالأفراح انزید
نشکر للأجه امن اجریب ومن ابعید
«ویانه بالفرحه اتشارک»
***
اهلا بالگصد والجاینه عناي
واهلا بالرفاگه الي تگر عیناي
انتم هیبتي وتچایتي وعضاي
«بعیوني یطیاب اخدمکم»
***
أهلا أهلا بیکم أهلا یا شباب
یاهله ابکل الرفاگه والأحباب
سمعوا مني ابآخر الهوسه الجواب
«نتشکر منکم خل انوخر عن داره»
هذه القصيدة من التراث الشعبي العربي في عربستان وفي حال نقلها الرجاء ذكر المصدر واسم الشاعر
22/01/2009