|
مختارات من اشعار الشاعر
الوطني جمعه ياسين
عـــــودة مهاجـــــر
مـــدري ابيا دمــع نغسل خطايانه
حلبنه اعــيونه اوماترضی تبچينه
ذبحنه اعـمارنه ابحضن التفاهات
اوضحكنه ابلاسبب من خيبت البينه
يــدولاب الــوكت يا دنيا المتيهين
اهــي لشوكت بينه اتفـــــر
ليالينه
خلانه الزمن نرگص على كـــل لون
لفينه الحـزن والحــزن لف بينه
تدور ايامنه مـــــــاي ابحظن ناعــور
اومــدري ابيا وكت نترس دوالينه
خـلانه الــــوكت ريشه ابمهب الـريح
نــوب انلوت بيها اونــــوب
تلوينه
ذبحنه اعـمارنه اوحگنه ابفــــرد منشار
حاضرنــــا مُعيب ابكثر
مـــاضينه
عُمــــر عـدا قبــــائل والتناحر كيف
لكن غِش اوغــدر يفلان
مـــابينه
نهضنا امحزمين انسب زمـان الفات
على مذبح الثـــورة ادمــوم
صبينه
واجهنا الرصاص ابعـــزم مايلتات
رسمنه الدرب بالـــدم حين
عــدّينه
وِفينه
العــز وطنه ابكل عــزم واسرار
ابعــزم ثابت نهضنا الصوت حادينه
ضحينا النفوس القومنا باخـــــلاص
اوتوســـــدنه الآسی والهم
يغطينه
اوصلوا بر الامـان
وصرنه
كلنا اجناب
اوغــــاد الــذيب يبرد
نــــاب فكينه
شكبنّه الهظم والنــــدَم واللكمـــات
واخــــذنا خيط دمنه اوبيه
رديــــنه
مدينا الــــرواح اجسورللـــــرضعان
اوبنينا جيــــل ثــورة فــوق
اراضينه
ولو بينه السجون امتلت والغضبان
شربت ضي بصرنه اودمــــع
اهـــــالينه
اوطشينه التحـــــدي ابكــل الولايات
اونهضنه ابــــكل عـــزم انعيد
ماظينه
شطـــر دمنا اوتحـــدى الگعد والجلاد
اوضحينه ابـــــزلم ماتـــعرف
الشينه
"حتى
انطــــش شتات اونترس البلدان
اونشيّد احـــزاب هوسه اونعلگ
الزينه"
نرجـــــع للقبيله أفضل ولاهــــالحال
اقــــــــــلا ما نبيع امعلقه بينه
نوگف
للوفي لآخــــر وشيل الـــروح
اونردطيب اليوّد يا صاحبي ابـــزينه
لاننكرجميل اولانـــــرد معــــروف
ولنرد الجميل اعـــلى البدى ابشينه
يغاتي مهزلــــه بـــاب اوبلا كـــركوب
شــــــابنده حـــديد اوتلزگ
ابطينه
يفـــــلان اوداعت الله احنه ترا اموات
انـــــدفنه والــوكت روّه لعب بينه
وحــگ دمـــك جليل اودم فهد وارجال
مثل جعفر واخــــــوته هم بعد بــينه
اومثل حـــــاجات بينه زلم مـــا تنقاس
على احــــبال المشانق روسهم زينه
صعـــــد عالمشنقه رافــــع جبينه ابزود
اوطش صــــوت التحدي اوكبّر الدينه
هـــــذول احنه انتفاخر بالگضوا يـــــادار
يمته يــــــاأخي ايفـــــز الشـــــــرف بينه
*****
15-02-2009
ريحة بلادي
الريح لومَرّت تهزالشرائين
حسيت فيها ريحة من بلادي
عطرالدمع والدم فيها بموازين
واكفوف ماترجف ابكظب الزنادي
كومي سكت من فيض دمه الرياحين
في كل طرفٍ وسط المدن والبوادي
يادار صدقي في ودادج مجانين
علمنا حُبج في الثبات التمادي
يأم النهار الصافي والبساتين
تسوين نوح المثجله والحدادي
ماهان أبد فركاج يادار تدرين
فتْ الفؤاد اوعاد فتْ الكبادي
ابكي الشهيد الطاح و إلا المساجين
وإلا الرجال الما تهد الشدادي
من ظفاف شط العرب لأرض البسيتين
مد الظلم خيمة على رؤوس العبادي
الذنب انهم عرب حماية الدين
احفاد طاها والرجال الشدادي
بالقادسيه ثار لهم او حطين
نيران حقد الفرس تاب الخمادي
ياعين احلفج بالنبي لاتنامين
ليمن يعود العز لارض الأجدادي
***
تفتونة
للشاعر الوطني جمعه ياسين
***
إلمنجل باگنه اوباع الوطن والناس
اوبالمنجل اهليّل،
گصوا
امتونه
منجلنه ردي ، بس احنه دون الناس
قصَص من الخيانه ،بيه مدفونه
اهليّل بذرگاعه اوطيباهه
ابزود
اوچانت على المنجل ،شابحه اعيونه
طلع بايج المنجل والجنس فافون
اوماحَسّب اهليّل ،منجله ايخونه
اهليّل خاب ظنه ابمنجله مسكين
واهو يزمط عليه اوتجدح اعيونه
رَد المنبره والنعش والمحراب
اوغرس بيناتهن كل حلمه واظنونه
حسباله ينصفه المنبرالمغصوب
بعد ماخاب ظنه ابمنجله اولونه
لگه
بيرالخديعه بينهن محفور
واهو منبرهله اوغربه اليديرونه
اهليّل ضاگت الدنیا ،اوهلك ذبوك
گوم اجمع شتاتك وانحر الكونه
اهليّل فيض دمك صرح لدجال
اومن لون المناجل صبغته اولونه
شدعزمك ابجرحك وانتچي على الحال
لاترضی المذله ،اتحوش
تفتونه
لاترضی المذله ،اتحوش
تفتونه
|
جـميع الحقـوق مـحفوظـة «
لا يسمح باستخدام أي مادة بشكل تجاريّ دون أذن
خطّيّ من المؤلف »
ولا يسمح بنقلها واستخدامها دون الإشارة إلى
مصدرها. |
|