 |
أحبچ يا فلاحيتيللشاعر الاديب الاستاذالملا فاضل الحاج يعقوب السكراني |
أحبچ يا فلاحيتي
احبج من بنا البناي من معدن ذهب طينج کسر بيتي
احبج يا فلاحيتي احبج يا فلاحيتي
احبج من نمت بفياي نخلات الشتلهن خالنا سبيتي
***
احبج يالغفيت ابحضنچ الدافي وغطاي الحاف عتبارج
احب امعارج اليحجي ابخبر حمده و جملها البالوحل بارچ
احب فتنه و صريج اچعاب اخو فتنه اليزوغل جان ويعارج
***
احب هلهولة ام عيد التهز ايد الفرح بلعيد وتبارج
احب كوتج وحب ابيوتج البيهن احلام ايام تذكارج
احب سورج وحب خورج و حب ابخورج المنتشر بكتارج
***
احب شطج وحب اجفايفه الخضره وضحجها الرقص اشجارج
احب ريفج وحب لبطت مشاحيفيج الفرها الكنص بهوارج
احب نورج وحب نارج وحب اشتم روايح عطر نوارج
***
احب رشت مطر غيميج وحب ابريمج اليظحك الكنطارج
عروس اموشحه ابنخلج وهاذ اجمل وشاح الحله ابزنارج
احب يومج وحب امسج وحب شمسج اليشرق نورها ابدارج
***
احب كذلة شعر ليلج وحب وجنة ضحاج الضوت انهارج
احب قهوة سخي امضيفج الرن فنجانها وشربوه سمارج
احب سمارج السهر وابنادى البيه علقو زينة اشعارج
***
احب سنبل فخر زرعج وحب ضرعج الدر در سخي الخطارج
احب ثوارج الثارو وحبها الهلهلت لفعال ثوارج
احب احرارج الصدو اجيوش العزمو يمحون اثارج
***
احب زلمج القصو راس ابو طوق اليدنس راد شنيارج
احب قومج الهزمو جيش ابو طوب و رجع مغلوب المعارج
غزوج الكفر جم مرة لجن يخسون ما وصلو الفي دارج
***
احبن نخوة الغيرة نخوتج يوم ابعامر تنخيتي
وعله هام الغزو بسلاح عز قومج الماذلو تعيتي
اجبج يا فلاحيتي احبج يا فلااحيتي
***
و انه ازغير احب كاسج البي من در لبن خيرج ترؤيني
وانةازغير احب شهدج اليتكاطر حنان و بي تغذيني
و انه ازغير احب رجتج المنها ابمسعط امحنتج تغريني
***
و انة ازعير احب مهدج البي نمت الضحي وبيدج تهزيني
و شوفج جنت بحساسي وحسن بيج يم راسي وتحاجيني
محبتج ثابته اببالي ابدلالي ابوسط جبدي اببطن عيني
***
خيالج ما يفارجني امرافجني ويلاعبني ويسليني
احبج اي وحق ربج وادري ابكثر ما حبج تحبيني
احبج وختلط حبج ابدم شريان عمري و مهجة اسنيني
***
عبير امحبتج يسري سره ابروحي و سره ابدمي و شراييني
الومه الفارقج ساعه صعب فرقاج ما ينحمل ياذيني
يحلوه امعانقج سلوه قبل ما شبقج ابشوقج تشبقيني
***
عشت بربوعج الخضره هواج امريحني ومايج امربيني
اببرادج شرقدت ودري من ابرد بيد تحنانج تغطيني
شمالج بالمسه اعذيبي يونسني و ينعسني و يغفيني
***
اصابيعج تدغدغني ابطيفي و صوت عاطفتج يناغيني
و تحركني الفجر نسمة صباح ابمسج ريحتها و توعيني
يمر يحني الصبح لطفج الشوقه ايجيني وللود يدنينى
***
اترابي اترابج الغالي و طينج طين جدي او والدي وطيني
امن اموت اتوسد اترابج الغيرج ما اود واحد يوديني
يحبج طبعي و ربعي تحب الزارني و بسمح يغنيني
***
احبج موش بس هساع احبج جي شبت وبيضت الحيتي
احبج من جنت ياهل و تتطوطح علي المتنين ترجيتي
احبج يا فلاحيتي احبج يا فلاحيتي