أبيات من الشعر الشعبي للشاعر الفقيد سيد ناظم الهاشمي الذي توفي هوواثنان من زملائه الشعراء من ابناء المحمرة الصامدة ،الشاعر الوطني طاهر السلامي والشاعر سيد جاسم الجعاوله اثر حادث مروري مشكوك،يوم الاثنين 25-03-2008 في طريق مدينة عبادان- ومدينة معشور في الاهواز، علما بان الشعراء الثلاثة هم من مؤسسين جمعية الشعراء العرب في المحمرة واعضائها، رحم الله ضحاينا واسكن ارواحهم فسيح جناته.

آنه حكَي لوصحت مجنونك

للشاعر الفقيد سيد ناظم الهاشمي

www.alahwaz.nl

آنه حكَي لوصحت مجنونك

  لنّه كلشي ابلا طعم من دونك
* * *
انته بسمك فتحت كل الورود

وانته لجلك منبسط كل الوجود
وانته ذجر اسمك شفه وجنة خلود

وطيبه بكَلوب الذي يحـبونك
* * *
ابدمك انته انكتب كل معنه صحيح

ياحسين الي يعرفك مايطيح
كافي بس يذكرك وبسمك يصيح

 ايزيح شدات الذي يندبونك
* * *
لوله انته بصبحي ما الكَه ضوه

 وغير اسمك ما الي الجرحي دوه
ولا نفس عندي ولا اشتم الهوه

 بلايه نظرة عطف من اعيونك
* * *
اشتهيك انته واظل بيك اشتهي

 ولا اريد ابغير حبك التهي
انته عشكَك عشكَ لا ما ينتهي

 وانته قانون الرحم قانونك
* * *
ارد اعوفن كلشي لجلك وارد اتوب

 من هلي من دنيتي من الذنوب
ريت اصيرن شمعه وبحبك اذوب

 وريتني من الذي يخدمونك
* * *
ودي بيه بيه تمر ولو مره ابحلم

 حته اشوفنك والن بيك اشم
ليش وكتك ما سمحلك تبتسم

 كَلي عالذبحوك شيطلبونك
* * *
يظل عشكَك سيدي اعذب عشكَ

 ياظمير وذات يادرب الصدكَ
ودي اطيح ابحر شوكَك واختنكَ

 ودي اموتن موتت المفتونك