قصيدة من الشعر الشعبي للشاعر المرحوم سيد ناظم الهاشمي(المحمراوي)الذي وافته المنية مع اثنان من شعراء المحمرة وهم الشاعر الفقيد طاهر السلامي والشاعر سيد جاسم الجعاوله رحمة الله عليهم اثر حادث سير مدبّر، يوم الاثنين 25-03-2008 في طريق مدينة عبادان- ومدينة معشور في الاحواز،علما بان الشعراء الثلاثة هم من مؤسسين جمعية الشعراء العرب في مدينة المحمرة.
"شكوة"
للشاعر الفقيد سيد ناظم الهاشمي(المحمراوي)
چم سكوت
……
وعمداً الباطل
سحگ خشم الحقيقه وعل مكارم ظل يفوت
چم سكوت ……
والصحيح معلگ ويمكن يطيح لولا خيط العنكبوت
چم سكوت
……
واليتيمه تبات
كل ليله ويه همها تذوگ بس ملح الدموع بلايه گوت
چم سكوت
……
وصارت رگاب
المذله تعيّر بحد الخناجر
وصار أمس مر يا
حسافه وخاف أمر يصير باجر
خاف تنباع الضماير
ولو ادري اهل
الضماير قلّه صارت ، والكثيره الّي برخص باعت ضماير
مات الف وجدان ، ناس
بلا ذنب مذبوح داستها المشاعر
والف صرخه بألم
صاحت،و أظن ما واحد سمعها ، والسمع بس گال چلمة شنهو صاير
رمده عين الصدگ صارت
گامت تصد للمظاهر
وأسف ناعور المغشه
يروي گاع الطيب فتنه وبالغلط يا حيف داير وأنـت وينــك
……
يا أمل كلمن
ترجه تعود اله وتجبر له خاطر
و انـت وينــك
……
يا صدگ يا اسم تندب
بيك اصوات الحناجر
يا علم مرتفع للحگ يا
نضال و عزم ثاير
يا حقيقه و شمس تشرق
عاليه بكل المفاخر
مر و لو مــرّه علينا
و شوف يا مولاي لجلك چم
گلب ملهوف عاشگ
و بأمــل للجيه ناطر.
و انـت وينــك ……
***
مصدر القصيدة موقع الحسنين الثقافي