الركبان هو نوع من انواع الشعر الشعبي العربي في عربستان وما زال حيّا و ينبض و يجري علي أفواه أهله و محبّيه واما هذا الرکبان «ركبان نامت اعيون الناس» هو لشاعره الاديب الراحل الشيخ ياسين الشرهان الطرفي الطائي الاحوازي المتوفى عام 1964 وللاديب الراحل الكثير من الاعمال الادبيه و الوجدانيه والوطنيه حيث كان من اعمدت الادب العربي في عربستان حينذاك.
يجب التنويه هنا ان القصيدة منقولة من مدونة الشاعر الوطني جمعه ياسين نجل المغفور له بأذن الله الاديب الراحل الشيخ ياسين الشرهان الطرفي.
«ركبان نامت اعيون الناس»
لشاعره الاديب الراحل الشيخ ياسين الشرهان الطرفي
*****
نامت اعيون الناس واعيوني اسهار
تميت اجالب طـــول ليلي بالافـــــكار
منوجِِد خشف اللي جفاني تشب نــار
اوخِلتي علي لازال دايــم يلومــــون
***
ولهـــــان انابهــــواه تميت حــــــاير
اضحك غبن والنار بأقصى الضماير
رحت اسأل الــــــركبان والكل سـاير
عن موطــــن الاحباب بيمن ينزلون
***
أسال انـــا الـــــركبان والعين عبره
اودمعي على الوجنات لازال يجـره
لاكـــــن لذيذ الزاد ما يــــــوم يمره
فيدي البچي واحباب گلبي يونّــون
***
ياروح اتركي إبچاچ والنوح عاده
گبلچ بچی مجنون وابچـــاه اشفاده
هذاالهــــــوى ياروح یـــأذي وداده
كثرة من أهل الشوگ بـالبريهيمون
***
ذني أغصان الشوگ تأجيل واعذاب
دمع البواذج دوم عالــــوجن سحاب
تم شطري المذكور واگبل علي شاب
من ذو نسب گــــــلي تهجع يمجنون
***
گتله يا طيّب الذات تـدري اشدهاني
اهجع تگـــــلي اودوم يسعر سناني
گال ابقرب وياك ؟گـــــلت له جفاني
گال اشبعد؟ گلت له مسافه يوصفون
***
گـــــال اصف النزلات فـي يـــا نويه
گتله سروا ياصـــــاح غفـوّت عشيه
بعض الـركب يصفون بارضاً خــليه
خطـره اوبعيدات المنازل يگولـــون
***
لمن تبلغ كــــلامي اجلس احــــذاي
اوگتله القسم بالله بس البچي اغذاي
لاكن تجـــــد ياهيه للخــــــيرسعاي
لن ساعي الخيرات خيراليوصفون
***
گـــال آتني في كــور يسبگ هوآه
گــــلت آتوله ياهيه بالــــــوصفآه
ابسفرتـــه بالسير عني تــــــــراه
اوگتله الحذر بالك تراهم ينگدون
***
لمن اوصيت الرسول اومني سار
بعده دمـــوع العين تشبه للامطار
عده اليمه عـــوّد منه اجعل احذار
من تجالسك تمريك والگلب ملعون
***
لمن سری مني الــــرسول اعتناله
تميت انـــا اربي الشخصه اوخياله
ناديت باعلى الصوت رب الجــلاله
وصله ابسلامه اولا تشمت اليكرهون
***
لمن سری مني الرسول ،اشجری ليه
مدوا افــراش الموت هـــــاي المنيه
التمت جميع الناس تبچي عـــــــليه
طب الرسول اوگـال حي ليه تبچون
***
گـــــالـوله العـــــواد مطروح مُــده
گلهم صحيح اوذاك خـــــــله إبشده
ارفعت راسي وأشرتله بيدي اشعده
گال الرسول ايگول خــلهم يجبلون
***
زالت امراض الموت حين الــرأيته
اوگتله يساعي الخير ولفي لگيته؟
گــــلي نــــعم بـــــاليل طبيت بيته
والگيت گلبه اعليك يشبه الچانون
***
گلت اتوني يا هيه في كـورن ثنيه
اوجيبوا اســــلاحي بــــالعجل ليه
گمت اركبت ياصاح غفوت عشيه
طبيت حيهم والشوامت يشخرون
***
بوصول حيهم ياشريف الفجربان
واندهت خلٍ لي شريكاَ بالاحــزان
لمن سمعني نهض مرعوب فرحان
طبني البيت اوگال لأهله لا تقولون
***
تميت حيـــــران ذاك اليوم واربي
واتميزت ممشاي واعرفت دربي
عسعس اليل اوگمت عاني الحبي
طبيت بيته اوكل هله عيب يدرون
***
الگيته ، مفــرد والعين تجــــــري
گلتله بسك عـــاد خـلصّت صبري
گــام التقى وياي صدره ابصدري
اوبسته ثلث بوسات مابين العيون
***
زال التعب واشقاء امراض الموده
اوگتله تراهــــو الحال بعدك تردّه
اولمن عطفت اعليه شميت خــده
طحنه سكارى اوما درينه باليوعون
***
فاغت غشوتي وانهضت گالت اهجع
خـــل انتوادع خـــاف مــابعد ترجع
گـلت المسير ابعيد گـــــالت امودّ ع
بالخمسة المنهم شفاعــــه يطلبون
***
11-02-2009