قصيدة من الشعر الشعبي في عربستان تحت عنوان
"وين القــاک"
لشاعرها ابن المحمره
اذكرنـــــک وينشف ريجي ابذكراك
وين الگاک یلي ابعدت وین الگاک
وین الگاک یلي ابعدت عني ابعید
اشگد ماهید فرگاک وهمومي اتزید
یـــوم العید اعیّد لا تظن بــــــالعید
الحزن عندی بگی وراح الفرح ویاک
الفرح راح وبگیت اصفج الراح براح
یا نور التشع یا ضاوي کالمصباح
اگضّي اللیل یا صاحب بچي وانیاح
اگضي اللیل بس احسب اشلون انساک
ویـــــــن الگاک والدمعه ابأثر دمعه
وین الگاک واعلگ لک ألف شمعه
یا شمعه الطفت ومنین الــي شمعه
یا وردة ربیعي الـــــذوبلت بجفاک
یــــــا وردة ربــــیع اشما اشمنهه
تزید ابطیبهه وفــــــاح العطر منها
هب ریح الشمال وجــاء سئل عنها
وسئل وین العزیز الچان دوم اویاک
سئل وين الحبيب الچــــان الك سلوة
اوچانت مزهره ايــــامك وبيه حلوه
يا قــــــدوة شبابي الچنت اليّ قدوة
يا مـــــــدلول وامتيّم چنت برباك
چنت امتيّم وفـــــرحانين چنه بيك
يا بدر الــدجى وشايل ورد بايديك
افديك ابشبابي لــــــــو تريد افديك
بس ترضى عليه ابهاي اتـــرجاك
چنت امتيّم وچنه بيك فـــــرحانين
وچنت شمعة بليالينه يـــنور العين
اخبرنك ترى ماظل دمــــع بالعين
عمت كثر البچي كله على فرگاك
رحت وكثرت اهمومي وزادت الا لام
ترف گلي الغطاه اهموم چيف اينام
افز مرعــوب لو رادت عيوني اتنام
افـــز مرعوب واتذكر ليالي اجفاك
جفيت ولا گــــــلت خليني اودعنه
اوخليت الگلب ونة ابــــــأثر ونة
چاوين الــــوفى التحچي چنت منه
چاوينه وفــــاك اووين حچيك ذاك
تذكر يوم تحچي بالوفه واخلاص
وتذكر من گــــــلت انته اعز الناس
يا هالناس جنني الهــــــوى يا ناس
وجنني زمــــــاني واحترت بهواك
ابعدت عني وما اندل طريقك وين
ابعدت عني ودم تهمل دموع العين
قسم بالله ضل عندي الگلب نصين
اوروحي گوطرت يوم السرى ضعناك
اذكــــــرنك وتنشف ريجي ابذكراك
وين الگاک یلي ابعدت وین الگاک
14/07/2009