اكتب اشما طابلك وك يا قلم
وصخم اوراقي ابخيال امنيتك
آنه والفتك يقلمي امن الزغر
وابضنك عمري فلا ذبيتك
علميتك علصدگ والحگ تگول
وعلى مايي امن الزغر ربيتك
عفت عمري وكل هلي وحته الحياة
عفت بيتي اتلبسيت ابيتك
ومن حياتي ذبحيت الامنيات
وكبرت بين الخلگ شخصيتك
وفصّلت گلبي قوافي ومفردات
ويبستهن من أجل تغذيتك
وطمست روحي ابوسط بحر الشعر
ابمستوى اقلام الشعر ساويتك
كلهه كتبت وانعرف من المرام
وانته شنهي ما عرف خاصيتك
أقلام هاي الناس كتبت للمعاش
وانته خاف اتعم عليّ تاليتك
***
مصدر القصيدة صحيفة الحديث(السنة الاولى العدد التمهيدي الثاني)